LEGAZPI CITY – Halos bumaba ng 5% ang nutritional status ng stunted o mga bansot na mga bata na may edad na 0-5 yrs old sa Bicol Region sa taon 2021.
Ayon kay Marilyn Valeza, ang Nutrition Officer III at Officer in Charge ng National, ng Nutrition Council (NNC) Bicol, sa ginawang operation timbang result nitong nagdaang taon ng mga Local Government Unit (LGU) ay bumaba na rin ang bilang o prevalence ng mga stunted kumpara sa nakalipas na tatlong taon.
Base sa record ng ahensya, ang taon 2018 mayroong 18.7% na stunted, 2019 17.8%, 2020 15.7% at ang taon 2021 ay nasa 13.38% na lamang.
Pinakaraming naitala na bansot na mga bata ang lalawigan ng Camarines Sur, sinundan ito ng Catanduanes, Sorsogon, Masbate, Camarines Norte at Albay.
