Padayon nga nagpa-alim sa balay tambalanan ang suspek ug 3 ka biktima human nga nabuthan kini sa usa ka granda sa Bansalan, Davao del Sur.
Sa imbestigasyon Bansalan Municipal Police Station pinaagi sa pakighinabi sa saksi nga si Mayflor Saliwan Balabad, 30-anyos, residente sa lugar nga usa ka Ricky Agbo, legal ang pangidaron, usa ka mag-uuma ang nag-singgit singgit ug nanghagit ug sumbagay samtang nag bitbit og sundang.
Pila ka minuto ang milabay, miabot ang suspect nga nailang si Egliserio Bacus, 55-anyos, minyo, usa ka CAFGU nga nadestino sa Sitio Alo, Brgy. Darapuay, Bansalan, Davao del Sur nga lango sa ilimnong makahubog.
Duna kini nakalalis nga usa ka Joswe Valmoria Llaneta ug way daghang pangutana, gipabuto niini ang Granada nga hinungdan sa pagka-angol nila Abloy Pablo Villaroya, 55 anyos, Mark Jarrel Nimenzo, 5, Joswe Valmoria Llaneta, 50 anyos, nga pulos residente sa nasampit nga lugar.
Sa karon, ginahikay pa ang kasong atubangon sa suspek tungod sa maong insidente. BNFM-Davao
