Binawian ng buhay ang limang-taong gulang na kasama sa mga biktima ng pagsabog kahapon sa isang pampasaherong bus sa bayan ng Aleosan, Cotabato.
Kinilala ni 6th ID spokesperson Lt. Col. John Paul Baldomar ang biktimang si Benjamin Solaiman.
Patuloy naman nagpapagaling ang anim na iba pang nasugatan sa naturang insidente.
Sa inisyal na imbestigasyon ng mga otoridad isang hindi pa nakikilalang pasahero ang nag-iwan umano ng bag na may lamang pampasabog at bumaba ito pagdating sa bayan ng Pikit.
Agad naman bumuo ng special investigation task group ang PRO-12 para imbestigahan ang itinuturing nilang ‘terrorist attack’.
