DILI mahimo ang re-appointment ni Genelyn Vidanes isip labaw sa CSWDO.
Kini ang gibutyag ni Kagawad Richard Atendido human nasayran sa mando sa mayor nga re-appointment kang Vidanes human gibasura ang appointment niini sa Sangguniang Panlungsod.
Alang kang Atendido kung gusto nga i-appoint pagbalik, mahimong mupailalom sa Personnel Selection Board.
Apan sa pagtuo niini naabtan na sa election ban tungod nagsugod na ang gun ban, mao nga dakong problema kini kang Vidanes.
Samtang sa bahin sa pagpangita og hulip sa miretirong City Treasurer Rodilon Lacap, dako matud pang kapakyasan kini sa Executive Department tungod wala gihimo ang ilang trabaho.
Dugang ni Atendido, mahinungdanon ang maong posisyon alang sa pagpasweldo sa mga empleyado ug sa pagbayad sa mga bayrunon sa LGU.
