Sanib-pwersa ngayon ang mga ahensiya ng pamahalaan para imonitor ang mga nagsasamantala sa gitna ng pandemya.
Kabilang na dito ang mga nagbebenta ng mga paracetamol online na unang naiulat na nagkaubusan ng stock sa mga botika dahil sa taas ng demand.
Ayon sa Department Trade and Industry katuwang nila ang Philippine National Police at National Bureau of Investigation para habulin kung may grupo o sindikatong nagsasamantala sa sitwasyon.
Muling iginiit ng DTI na hindi totoo na may shortage ng ilang gamot tulad ng paracetamol sa katunayan ngayong linggo na maari na muling makabili ng mga brand na unang naubusan ng stock.
Binigyan-diin naman ni DTI Undersecretary Ruth Castelo na kahit mataas ng demand ng paracetamol hindi maaring magtaas ng presyo ang mga drug-maker o mga kumpanyang gumagawa nito.
