Itinanggi ni Defense Secretary Delfin Lorenzana ang mga umuugong na balita sa social media na magpapatupad ng martial law sa bansa bilang tugon sa surge ng bagong mga COVID-19 cases.
Binigyang diin ni Lorenzana na walang sapat na dahilan para magdeklara ng martial ang pamahalaan. Tinawag ding fake news ni Lorenzana ang mga umuugong na balita.
Giit ni Lorenzana, ang naitalang mahigit 17,000 na mga bagong COVID-19 cases kahapon ay di hamak na mas mababa kumpara sa 26,000 record high noong 2021.
Nilinaw din ni Lorenzana na ini-evaluate pa ng IATF ang sitwasyon para sa posibleng pagpapatupad ng mas mahigpit na restrictions sa National Capital Region pero tiyak aniyang hindi naman total lockdown ang mangyayari.
