Nakarekord eamang ro Department of Health (DOH) region 6 it 33 ka mga kaso it holiday firecracker-related injuries.
Base kay Regional Director Adriano Suba-an, ro nasambitan nga numero hay mas manaba it 21% kumpara sa 42 nga narekord ku 2020.
Uwa pa it breakdown ro DOH sa mga kaso sa kada lugar pero narekord it Negros Occidental Police Provincial Office (NOCPPO) ku weekend ro 20 firecracker-related injuries.
Base man sa datos it taeatapan, may 16 ka mga kaso it eye injuries ro rehiyon samtang may 14 man ro narekord nga blast injuries.
Ginpangunahan it regional director it DOH-6 ku Sabado ro pagbisita sa maeain-eaian nga pribado ag pampuliko nga ospital sa rehiyon agud masubaybayan ro andang pagsabat sa mga kasamaean angut sa pagpaeupok./JIL B. LACSON
