Pumalo na sa 12 ang napaulat na patay habang pito naman ang nawawala mula sa paghagupit ng Bagyong Odette sa Visayas at Mindanao.
Sa briefing na pinangunahan ni Pangulong Rodrigo Duterte ay sinabi ni NDRRMC Executive Director Ricardo Jalad na umabot sa 84,674 na pamilya o 338,664 na indibidwal ang lumikas sa Mimaropa, Regions 6, 7, 8, 9, 11, at Caraga.
Inihayag naman ni Jalad na dumadaan pa sa validation ng mga otoridad ang mga nasawi sa Siargao Island, matapos itong unang maiulat ni Surigao del Norte Governor Lalo Matugas.
Samantala, una nang sinabi ng NDRRMC kahapon na nakatanggap ito ng 95 requests para tumulong sa iba’t-ibang rehiyon sa gitna ng pananalasa ng bagyo.
Ibinahagi ni NDRRMC operations center chief Joe-mar Perez na 48.96% o karamihan ng requests ay nanggaling sa Cebu.
