Naniniwala ang ilang health reform advocate na posibleng matamaan ng gobyerno ang target nito na mabakunahan ang 70-90-percent ng populasyon sa unang quarter ng 2022.
Sinabi ito ni Dr. Tony Leachon, na dating nagsilbi bilang adviser ng COVID-19 task force.
Ayon kay Leachon, masasabing protektado na ang mga tao na nasa business areas sa CALABARZON, Central Luzon, at National Capital Region kung nakamit na natin ang 50-percent protection rate.
Gayunman, ipinunto ni Leachon na malayo pa ito mangyari kung national na ang pag-uusapan dahil sa problema sa logistics sa Visayas at Mindanao areas, kung saan ay mataas aniya ang vaccince hesitancy.
Iginiit naman ni Leachon na dapat ay sikapin pa rin ng gobyerno na matamaan ang target nito na mabakunahan ang 90-percent ng populasyon sa lalong madaling panahon, sa gitna ng paglaganap ng COVID-19 Omicron variant sa buong mundo.
