Gina-monitor karon sa Davao City Police Office (DCPO) ang tanang mga establisyemento, malls ug kung preperado na sab ang Misa De Gallo aron masigurado ang sigurdad sa katawhan sa holiday season.
Kini subay na sab sa pagpaniguro sa DCPO nga magbaton og zero crime sa dakbayan sa Davao atol sa holiday season.
Sumala kang DCPO City Director Police Col. Kirby John Kraft, nga gipakatag na karon ang daghanang pulis aron magpatrolya sa kadalanan aron mapaniguro ang kahapsay ug kalinaw.
Dugang sa opisyal, nga dili matud pa magkumpyansa ilabi na karong umaabot nga holiday season, ilabi na karon nga daghang mga tawo ang nagpanghimulos sa pandemya.
Gitataw sab niini nga kanunayon ang pag-igmat ug padayon nga sundon ang security ug health protocols tungod nga nagpadayon gihapon ang bahad sa Covid-19. BNFM-Davao
