GIBUTYAG ni Kag. Jose Edmar Yumang, Chair sa Committee on Public Order and Safety, nga wala pa mahuman ang resolusyon nga giduso sa komitiba alang sa wala mabayran nga mga hotels, inn ug pension houses nga gigamit isip Covid-19 isolation ug quarantine facilities alang niadtong mga mipauli nga Overseas Filipino Worker.
Nagapaabot pa gihapon hangtod karon ang mga tag-iya sa hotels sa bayad gikan sa LGU bisan pa man aduna nay pipila kanila nga mitapal alang sa pagbayad sa maintenance ug bill sa kuryente, lakip ang pang-sweldo sa mga empleyado.
Nagtoo usab si Kag. Yumang nga aduna kini negatibo nga epekto sa imahe sa syudad ug dili na musalig ang ubang mga investors tungod sa nahitabong kalangay sa pagbayad sa LGU ngadto sa tanan niining obligasyon. (Enamie Mogpon)
