Blanko pa sa motibo ang otoridad sa nahitabo nga pag-amush patay sa riding-in-tandem sa usa ka medical director sa usa ka hospital dinhe sa Cagayan de Oro.
Naila ang biktima nga si Dr. Raul Winston Andutan kinsa medical director sa Maria Reyna-Xavier University Hospital nga taga barangay Macasandig ning syudad.
Gibutyag ni Police Station 9 Nazareth Deputy Station Commander Police Lt. Mirasol Capiña nga posibling gisundan ang biktima sa riding-in-tandem hangtod kini napusilan sa dalan 12th St corner 29th St. sa Barangay Nazareth.
Gidala pa sa balay tambalanan ang biktima apan tungod sa nakahiagoman niini nga tulo ka samad pinusilan nakabsan kini sa kinabuhe.
Gamit sa mga responsabli sa pagpamusil ang caliber 45 pistol diin daghan mga basyo niini ang nagkatag sa crime scene.
