KORONADAL CITY- TINUTUTUKAN ngayon ng Philippine Drug Enforcement Agency o PDEA Region 12 ang pagpapataas sa conviction rate ng mga drug cases sa Soccsksargen.
Ayon kay PDEA 12 Deputy Regional Director Francis Del Valle na isa sa dahilan ng dismissal ng mga kaso na may kaugnayan sa ilegal na droga ay ang non-compliance sa section 21 ng Comprehensive Dangerous Drugs Act o hindi pagsunod sa chain of custody sa paghawak sa mga ebidensya ng mga otoridad.
Dahil dito, inihayag ng opisyal na pinaigting pa ng kanilang tanggapan ang pagsasailalim sa training at pagtuturo sa mga PDEA agents at mga kasapi ng Philippine National Police kaugnay sa chain of custody.
Layon nito na maiwasan na mabasura ang mga isinasampang drug cases ng mga drug enforcement agencies.
