NAGA CITY-Tiniyak ng Philippine National Police (PNP) sa Camarines Sur na mapapanatili ang kaayusan ay kapayapaan sa tatlong araw na National Vaccination Days.
Sa panayam ng Brigada News FM Naga kay Capital Town Pili Chief of Police PLtCol. Ryan Atanacio, sinabi nitong kasama sana sa direktiba ang may mga personaheng tutulong sa pagbabakuna subalit wala aniya sa kaniyang mga tauhan ang well-trained sa pagturok kung kaya tulad sa ilang mga MPS tututok sila sa seguridad at crowd control.
Maliban sa bakunahan sa LGU ang Pili PNP rin ang nakaantabay sa kapitolyo na ginawa ring vaccination site.
Batid ng PNP na marami ang magpapabakuna dahil pagkakataon din ito ng mga may trabahong dati ay walang oras para rito kaya lalong pagbabantay hindi lamang sa pagpapatupad ng health protocols kundi pati sa mga mapagsamantala o gagawa ng anumang krimen.
