KALIBO, AKLAN — Sangka eaeaki nga ginasugid nga hilong ro gindakop it mga miyembro it Kalibo PNP.
Raya hay matapos ireklamo it pagsilinangag sa may pathway okun aeagyan sa Purok 2 C. Laserna St., Kalibo, Aklan.
Ginkilaea ro dinakop nga eaeaki nga si Eduaro Pioquid Jr., 54yo ag residente sa lugar.
Ginsita eon segun ro eaeaki pero padayun gihapon raya sa pag-eskandalo rasun nga ginpakamayad nga dakpon ag ikustodiya sa Kalibo PNP.
Nag eapas man raya sa curfew rasun nga gin-isyuhan raya it citation ticket. / ANN DESLENE SALAZAR
