GISUGYOT ni Dr. Fidel Peñamante ang Presidente sa Philippine Medical Association Gensan chapter nga magpasa og bag-ong ordinansa ang local health group nga dili usa tugutan ang mga bata nag edad 5 hantod 11 anyos nga musulod sa mga mall.
Tungod dako ang posibilidad nga maigo sa Covid-19 ang maong edad labaw na kung ma expose sa daghang tawo. Matud ni Dr. Peñamante kinahanglan nga ipadayon ang kampanya sa pagbakuna tungod sagad sa nagpositibo kadtong mga unvaccinated.
Nagpabilin ang risgo sa corona virus disease sa tibook syudad, bisan paman bakunado na apan dili gihapon mahimong kampante tungod sa padayon nga bahad sa maong sakit. Gipahimangnoan niini ang mga ginikanan nga siguruhon nga bakunado na ang mga anak bag-o isuroy sa pampublikong lugar. ( Enamie Mogpon)
