Nasa isang porsyento na lang ang natitirang aktibong kaso ng COVID-19 sa Central Luzon.
Sa huling COVID update na inilabas ng Department of Health Central Luzon, nasa 2, 100 na lang ang natitirang active cases sa rehiyon.
Mula ito sa kabuuang 279, 977 na confirmed cases.
Habang nasa 97% naman ang bilang ng mga gumaling, o katumbas ng 271, 915.
Ang mga nasawi naman sa Gitnang Luzon ay umabot na sa 5, 962 o katumbas ng 2% mula sa kabuuang kaso.
