Kasong pag eabag sa PD 1602 o Anti-Illegal Gambling Law ro paga atubangon it tatlong katawo nga naaktuhang nagasugae sa Brgy. Tambak, New Washington, Aklan.
Ginkilaea ro daywa ka naaresto nga sanday Bryan Tolentino 40yo, Larly Dela Luna 45yo ag ro sambilog pang suspek nga nakapaeagyo hay si Rufino Carillo nga parehung residente sa lugar.
Base sa report, naga ronda ro mga pulis kat may sangka concerned citizen ro nag-imporma nga may nagasugae rasun nga naaktuhan ro tatlo nga nagahampang it tong-its pero nakapaeagyo man ro sambilog.
Nakumpiska man ro sangka set it baraha, pusta nga 432 pesos, 2 ka bangko ag sambilog nga lamesa.
Na-inquest man eagi ro daywa samtang regular filing ro igasampa kay Carillo sa oras nga madakpan raya. / ANN DESLENE SALAZAR
