Target ng Maharlika Pilipinas Basketball League (MPBL) na bumalik sa normal nitong operasyon para sa 2022, matapos maapektuhan ang liga ng COVID-19 pandemic sa nakalipas na 2 taon.
Ayon kay MPBL commissioner Kenneth Duremdes, plano nilang magdaos ng mahabang preseason bago pumasok sa isang pormal na torneyo sa Hunyo ng susunod na taon.
Matatandaan na ipinagpaliban ang pagdaraos ng MPBL 2019-20 season noong March 2020, kasabay ng playoffs nito, dahil sa COVID-19 pandemic.
Bumalik lamang ang mga laro ng MPBL matapos ang isang taon, kung saan ay ginawa ang natitirang bahagi ng playoffs sa loob ng isang bubble sa Subic.
Kung maalala ay nagkampeon ang Davao Occdental Tigers ng Lakan Cup.
