Bumisita si Vice President Leni Robredo sa nakakulong na si Senator Leila De Lima sa Philippine National Police Custodial Center sa Camp Crame, upang kamustahin ang kondisyon ng senadora at pag-usapan ang kanilang mga election bids.
Sinabi ni De Lima, na noong 2017 pa nakakulong dahil sa mga kaso na may kinalaman sa ilegal na droga, na nakaramdam siya ng tuwa mula sa isang oras na pagbisita sa kaniya ni Robredo.
Ayon sa senadora, marami silang napag-usapan ni Robredo tungkol sa ilang mga kaganapan sa bansa.
Ipinunto rin niya na napagkwentuhan nila ang ukol sa pamilya niya at sa kaniyang kalagayan.
Mababatid na kasama si De Lima sa senatorial line-up ni Robredo, na tatakbo sa pagkapangulo sa 2022.
