Nag-reshuffle ang Korte Suprema sa tatlong dibisyon nito kasunod ng appointment ni Jose Midas Marquez bilang associate Justice.
Sa isang memorandum, ay pumili si Chief Justice Alexander Gesmundo ng chairpersons at ng mga miyembro nito para sa mga dibisyon ng korte.
Kasalukuyan naman nangunguna si Gesmundo bilang chair ng First Division, kung saan ay kasama nito si Associate Justice Alfredo Benjamin Caguioa bilang working chairperson.
Kabilang sa mga miyembro nito ay sina Associate Justices Amy Lazaro-Javier, Mario Lopez, at Joseph Lopez.
Mangunguna naman si Associate Justice Estela Perlas-Bernabe sa Second Division, na kinabibilangan rin nina Associate Justices Ramon Paul Hernando, Jean Paul Inting, Samuel Gaerlan, at Japar Dimaampao.
Si Associate Justice Marvic Leonen naman ang magsisilbing chairman ng Third Division, na kinabibilangan nina Associate Justices Rosmari Carandang, Rodil Zalameda, Ricardo Rosario at Marquez bilang mga miyembro.
