DILI na makatindog ug nagpunay na lang og higda sa gubaon nga folding bed si Tatay Celso Carel, 73-anyos nga taga Prk.23, Sunrise Subd., Brgy.Lagao tungod sa kondisyon sa panglawas niini.
Pinaagi sa fundraising sa mga miyembro sa KaBrigadahan GenSan, nahatagan og wheelchair ang nahisgutan ug gihatod mismo ni Brigada Elmer V.Catulpos.
Nakita niini ang sitwasyon ug natandog kay ang folding bed nga gihigdaan ang gibangilan na lang og mga bato.
Mipasalig si Catulpos nga hatagan usab og bag-ong folding bed si Tatay Celso aron nga dili kini mahulog sa iyang higdaanan. Gipasalamatan kini ni Carel ug bisan sa giantus nga sakit nahupay tungod sa suporta kaniya sa KaBrigadahan ug ni Brigada Elmer.
