Makabaton it indi magnaba sa P2,000 nga pagtaas it honoraria ag iban pa nga mga allowance ro mga maestro nga magatrabaho sa Commission on Elections (Comelec) sa May 2022 polls.
Raya hay igata-o sa idaeom it Resolution No. 10727, base kay Atty. Wilfred Jay Balisado, director it Comelec Region 6.
Kaeakip sa mga makabaton it dugang nga sweldo hay ro miyembro ag chair it electoral board (EB), Department of Education Supervising Official (Deso), support staff, ag medical personnel.
Ro nasambitan nga honoraria hay nagabalor it:
Election board chair – P7,000;
Election board member – P6,000;
Deso – P5,000;
Support staff – P3,000; at
medical personnel – P3,000.
Makabuoe man sanda it anti-coronavirus disease allowance nga P500.
Ro EB chair, members, Deso, ag support staff hay makabaton man it P2,000 travel allowance – P1,000 sa adlaw it final testing ag sealing it mga machines, ag P1,000 sa adlaw it eleksiyon
Sa pihak nga bahin, ro mga medical personnel hay makabaton it P1,000 travel allowance sa adlaw it eleksiyon.
Ro Deso ag andang technical support staff hay makabuoe it P1,500 communication allowance./JIL B. LACSON
