Dako ang pasalamat sa mga mag-uuma human nga nakadawat og tabang pinansyal gikan sa Department of Agriculture (DA-XI) sa tanang naapektuhan sa African Swine Fever (ASF) partikular sa Munisipalidad sa Boston, Cateel, Manay, ug Baganga, Davao Oriental.
Kini subay sa gipagulang Executive Order No. 23 sa LGU Davao Oriental,gilatid niini kung paunsa mawagtang ang ASF base sa Bantay ASF sa Barangay program.
Mikabat sa 564 ka mga mag-uuma ang nakabenepisyo sa 2nd batch diin nakadawat og tag P5,000 human nga gisurender ang ilang binuhing baboy aron i-culling.
Mitanyag og tabang pinansyal ang gobyerno isip pag-awhag kanila nga isurender ang ilang binuhing baboy aron nga dili na maapektuhan pa ang ubang lugar sa Davao Region sa maong sakit.
Tumong sab sa maong lakang aron makapahigayon na og depopulation aron hingpit na nga mawagtang ang ASF sa rehiyon ingonman aron subling maka-amuma og binuhing baboy.
