Ginkumbinse it Bureau of Fisheries and Aquatic Resources (BFAR) ro mga local government unit ag coastal community nga magbulig nga ipatuman ro dag-unan nga tatlo ka buean nga tiempo it pagasarado sa pagpangisda sa kadagatan it Visayas halin November. 15 hasta February. 15 sa masunod nga dag-on.
Ro pagdakop, pagbaligya, ag marketing it mga sardinas, herring, ag mackerel hay ginapagbawae sa suoed it nasambitan nga tiempo.
Base sa taeatapan, raya hay ginahimo agud ro mga isda hay makapangitlog ag mag abo. Partikular, ro mga species it sardinas ag herrings (tamban/tabagak/tamban-tuloy/balantiong) ag mackerels (hasa-hasa/ gumaa/ bulao/alumahan).
Ro mapamatud-an nga nag-eapas sa administrative order hay ipa-idaeom sa nakaigo nga kaparusahan kapareho it pagkapreso it an-um nga buean hasta an-um nga dag-on ag multa P6,000./JIL B. LACSON
