BICOL – MAABOT sa labi 166 na mga aplikante an nakabale sa enot na batch kan mga matrayumpong nakapag-avail kan 10-year license validity sa enot na aldaw kan implementasyon sa rehiyon.
Kasudma Nobyembre dyes y sais pinunan na kan LTO Bicol an pag-issue kaini sa mga kwalipikadong license holders, kung saen an gabos na District Offices sa rehiyon an matrayumpong nakapag-issue kan nasabing lisensya.
An mga kwalipikadong aplikante sa rehiyon an nagsairarom sa Comprehensive Driver’s Education (CDE) asin mayong nairehistrong record nin violation sa LTO sa huring limang taon antes an saindang renewal.
Segun sa LTO-Bicol, an programang ini an base sa implementasyon kan RA 10930 na obhetong itaas an lebel kan driver education sa nacion asin palawigon an validity kan lisensya kan mga tultol na drayber mantang matiner man sa 5-year Driver’s License an mga aplikante na may traffic violation record.
Apwera pa digdi an gabos soboot na mga aplikante para sa license renewal an kinakaipuhan na mag agi sa Comprehensive Driver’s Education (CDE) tanganing makakua nin sertipikasyon na saro sa mga requirements.
Mantang libre man an pagsairarom sa CDE sa gabos na LTO Driver’s Education Centers asin sa LTO LTMS Portal mantang pwede man na makakua nin CDE materials sa mga LTO offices asin mga accredited na Driving Schools.
Katakod kaini gabos na mga kliyente an pig iimbitaran na mag-rehistro sa Land Transportation Management System o LTMS tanganing makapag-avail nin libreng course sa paagi kan link na naka post mismo sa saindang official facebook page na Land Transportation Office Bicol.
