Padayon karong giimbistigahan sa Carmen Municipal Police Station sa pagpusil-patay sa usa ka babayeng Indian National sa milabayng Nobyembre 12, 2021 sa Purok 19, Barangay Ising.
Kini human hangtud karon blangko pa ang kapulisan kung unsay motibo ug kung si kinsa ang responsable sa pagpusil patay sa biktima nga si Manpreet Kaur 40 anyos, usa ka kolektor.
Una niini samtang nagsakay ang biktima sa motorsiklo nga gimaneho ni Hanley Velez, 33 anyos kalit na lamang sila gitaparan sa laing motorsiklo sakay ang duha ka wa mailhing mga lalaki ug gipamusil.
Duha ka mga samad pinusilan sa likod ang nahiaguman ni Kaur nag maoy mitsa sa iyang kamatayon samtang naigo sa abaga Velez nga anaa na karon sa luwas nga kahimtang.BNFM-DAVAO
