Pag-aaralan ng gobyerno ang proposal na i-lift ang quarantine requirement para sa fully vaccinated travelers.
Sa ngayon, tanging fully vaccinated travelers mula sa “green” countries at territories, o mga kinilalang low risk para sa COVID-19, ang exempted mula sa quarantine sa oras na dumating sa Pilipinas
Ayon kay Health Undersecretary Maria Rosario Vergeire, ang rekomendasyon ay maaring ilabas sa mga susunod na linggo.
Una nang isinulong ni presidential adviser for entrepreneurship Joey Concepcion ang “zero quarantine” para sa fully vaccinated travelers, sa halip ipinanukala nito na sumailalim ang mga ito sa dalawang COVID-19 tests — 48 oras bago ang departure at pagdating sa lugar ng destinasyon. //MHEL PACIA-TRINIDAD
