Mokabat sa P368,000. 00 kantidad sa droga nga gipalaman sa kalabasa ang boot ipalusot sa Davao City Jail sa Maa ning syudad ang alas 10:00 sa buntag kagahapon Nobyembre 11, 2021.
Subay sa report gikan sa BJMP-XI, namatikdan sa mga nakaduty nga personahe sa pasilidad ang kadudahan nga kalabasa nga gidala sa duha ka suspek nga drayber ug tindera.
Dihang gisusi narekober ang 20 ka transparent plastic cellophane nga may Tresbe kung diin upat niini ang gipaslakan og pakete sa gitoohang shabu, duha ka disposable lighter, aluminum foil, ug sigarilyo.
Dali nga giposasan ang mga suspek nga sila si Roberto Rabia Llego, 48, minyo, PUJ driver residente sa Purok 26, Mayrine, Bugac Maa Davao City; ug Amelyn Genera Lomigo, 28, minyo, nga taga Kapatagan Davao Del Sur, vegetable vendor, kasamtangang nagpuyo sa Purok 25, People’s Village, Maa Davao City.
Ang duha gipaslak karon sa prisuhan ug gihikay na ang kaso batok kanila.BNFM-DAVAO
