NAGA CITY- Kaawa-awa ang kalagayan ng isang fetus nang matagpuang palutang-lutang sa Naga River.
Bandang alas 11:40 ng umaga nitong Miyerkules, ipinaaabot sa mga otoridad ng isang concerned citizen na may natagpuang patay na fetus sa may likod ng Barangay Hall ng San Francisco.
Nang makuha, nalamang nasa pito hanggang walong buwang gulang na ang lalaking sanggol na at may umbilical cord pa.
Dinala ito sa San Francisco Church upang basbasan bago ilibing.
Nagsagawa ang Police Station 1 sa Naga ng follow up investigation para sa posibleng pagkakakilanlan ng ina ng nasabing fetus.
Hinala ng mga nasa lugar, maaaring itinapon sa Colgante Bridge ang sanggol.
Ang tanong ng marami, bakit ito nagawa ng mga magulang, ano ang kondisyon na pinagdaraanan ng ina.
(NCPO PHOTO)
