LEGAZPI CITY – Kinumpirma ng Municipal Health Office (MHO) Daraga na nagsisimula na ang kanilang pagbabakuna sa mga kabataan.
Ayon kay Dr. Ceasar Mata, ang head ng MHO ng Daraga, pumalo na sa mahigit 1K ang kanilang nababakunahan mula sa edad na 14 hanggang 17 taong gulang pa lamang. Aniya, susunod ng babakunahan ang may mga edad na 12 hanggang 13 anyos.
Inaanunsyo na rin ng Local na Pamahalaan na magkakaroon pa rin ng pagbabakuna sa nabanggit na edad sa bayan.
Nananawagan ngayon ang opisyal sa lahat ng mga magpapabakuna na huwag mamimili ng bakuna dahil sa pare-pareho lang naman itong mayroong proteksyon laban sa covid 19.
