Gin pamulta it tig-P2,500 sa kada pag-eabag sa ordinansa ru 4 ka mga persona matapos madakpan sa curfew sa banwa it Kalibo, kabie.
Base sa record it Kalibo Municipal Police Station (MPS), nakilaea ru mga nag biolar sa curfdew nga sanday John Paul Dela Cruz, 21 anyos ag J-R De Juan, 22 anyos, tanan mga residente it Brgy. Andagao, Kalibo.
Gin parahan it mga pulis ru mga raya sa gina sakyan nga motorsiklo sa dyes oras it gabie sa Brgy. New Buswang, Kalibo.
Uwa it may maipakitang dokumento sa mga pulis ru mga raya sa gina manehong motorsiklo nga may plate no. 060105 rason nga gin impound sa impounding area sa banwa’t Kalibo.
Samtang, sa pihak nga bahin, dakup man sa curfew ag pag-eabag sa health protocol ru 2 mga persona nga sanday Rodel Cuatres, 37 anyos ag Ramon Barrera, 46 anyos, tanan mga residente it nasambit man nga lugar.
Nakilaea ru mga raya nga sanday Rodel Cuatres, 37 anyos ag Ramon Barrera, 46 anyos, tanan mga residente it Brgy, New Buswang, Kalibo.
Nadakpan ru 2 it mga pulis samtang naga baktas sa karsadahon nga uwa it suksok nga facemask.//MARIVIC Y. ILIN
