Gin-assign bilang bag-ong direktor it Iloilo City Police Office (ICPO) si Police Colonel Leo Batiles, dati nga hepe it Regional Headquarters Support Unit (RHSU) it Police Regional Office 6 (PRO-6).
Ginbayluhan nana si Police Colonel Uldarico Garbanzos nga magaretiro sa masunod nga buean.
Sambilog ka turnover ceremony ro ginhimo it ICPO kahapon.
Si Batiles nga taga-Capiz hay nakatapos sa Philippine National Police Academy (PNPA) class 1994. Naging dati raya nga commander it Regional Force Battalion 6 (RFB-6), assistant commander it Regional Operations and Plans Division it PRO-18, ag company commander it sambilog ka mobile group sa Capiz.
May una man imaw nga mga stints sa mga istasyon it pulisya sa Roxas City sa Capiz, Nabas ag Altavas sa Aklan, ag Escalante City ag Sipalay City sa Negros Occidental.
Nakatapos si Batiles sa mga kurso nga Special Action Force (SAF) ag airborne./JIL B. LACSON
