‘DAGHANG salamat Sen. Bong Go sa paspas nga pagtabang sa mga biktima sa sunog sa purok Saeg, Brgy.Calumpang.’
Mao kini ang nabungat ni Brigada Elmer V.Catulpos human nga personal gibisitahan ug gitunolan ni Sen.Bong Go og mga hinabang ang mga nasunugan.
Segun ni Catulpos, daghang hinabang ang nadawat ug gipasalig ngadto sa mga nasunugan.
Anaa ang P10,000 alang sa construction materials nga gihatag sa National Housing Authority, dugang P10,000 gikan sa DSWD, mga bangka gikan sa Bureau of Fisheries and Aquatic Resources, puhunan alang sa gusting mag-sari sari store pinaagi sa Pangkabuhayan sa Pagbango at Ginhawa livelihood program gikan sa DTI.
Anaa usab cash assistance alang sa nawad-an og trabaho pinaagi sa TUPAD program sa DOLE ug scholarship grants sa TESDA alang sa gusto nga mo-eskwela ug nahatagan usab ang mga nasunugan og grocery packs ug mga vitamins.
Matud ni Bong Go, nabalitaan niini gikan mismo sa iyang amigo nga si Brigada Elmer ang nahitabong sunog ug daghan ang nawad-an sa ilang panimalay ug kabtangan mao nga mianhi gilayun siya aron makahatag og hinabang.
Sa paghinabi sa Brigada News FM sa mga natabangan, giangkon nila nga nahupay ang ilang problema tungod sa cash assistance ug gipasalig nga uban pang hinabang sa senador.
