ILOILO – Away pamilya ro sambilog sa ginatan-aw nga anggulo it Sta. Barbara Police sa paghaboy it granada sa nakagarahe nga pampasaherong jeep sa Brgy. Cabugao Norte, agahun it Nobyembre 6.
Raya hay base sa imbestigasyon it Sta. Barabara Municipal Police Station.
Sa pahayag ni Ariel Surabella, driver ag naga-arkila it jeep, may away sa eugta ro andang pamilya.
Padayun pang ginatumod it mga otoridad kung sin-o ro sa likod it paghaboy it Granada, samtang padayun man ro pag usoy it impormasyon sa barangay angot sa pahayag ni Surabella nga away it andang pamilya.
Posible man segun nga pagpamaeag eang ro tinutuyo it suspek bangud sa jeep nana ginhaboy ro granada ag bukon it sa mismong baeay nanda Surabella.
Matandaan nga bago ro pagsabog, ginhayag ni Surabella nga may nabatian imaw nga nag U-turn nga motorsiklo maeapit sa andang garahe nga posibleng rato ro naghaboy it granada. / ANN DESLENE SALAZAR
