Giwarningan sa opisyal sa City Government of Davao ang si bisan kinsang nagplanong mag payuhot ug illegal nga kontrabando pasulod sa syudad sama sa illegal drugs ug armas.
Naka hightened alert ang otoridad particular ang Public Safety and Security Command Center (PSSCC) sa pagpanguna ni Retired Col Angel Sumagaysay.
Sumala ni Sumagaysay ubay ubay nang mga suspected drug carriers nga nisulay sa pagpayuhot ug illegal drugs ug mga armas sa dakbayan ang nadakpan sa lainlaing checkpoints sa Davao City.
Sa pinakaulahing report sa TF Davao, kantidad 23,000 nga kontrabando ang nakumpiska sa checkpoint sa BUnawan niadtong Oct 23.
Nasayran nga takda unta mosulod ang mga dinakpan sa Davao City gikan sa Tagum City apan napakyas human gi flagdown ang ilang gisakyang van.
Gitambagan ni Sumagaysay kadtong mga nalambigit sa illegal drug activities nga byaan na ang maong kalihokan aron maprotektahan ang ilang pamilya.
Gisiguro ni Sumagaysay nga padayonon nila ang istriktong implimentasyon sa enforcement operations aron mababagan ang illegal drug activities.
