Gikan sa pag-ayuda sa kabukiran sa probinsya sa Sarangani, wala usab paulahi ang sa kadagatan. Segun ni Fishery Coordinator Ronnie Lariosa sa Sarangani Provincial Agriculture Office, unang benipisyaryo karong tuiga nga natagaan nila og mga life vest jacket ug GPS kon global positioning system with fish finder nga mupatultol sa mga mananagat kung asa ang daghang tapok sa isda ug mutultol pud sa coordinates aron dili masaag sa nabigasyon, mao matud pa ang grupo sa mga mananagat sa Kiamba, partikularminte ang Talima Salakit Fisherfolk Association ug Purok Mabuhay Datu Dani Fisherfolk Association.
Nabahinan usab sa life jacket ang Sapu Masla Fish Cage Operators Association sa Malapatan, ug taga-anan pa ang sa Alabel. Una nang nanagtag ani nga mga kagamitan ang OPAG Sarangani atong niagi pang katuigan ug madugangan pa kini sunod tuig.
Nang-apud apog pud og singkwenta ka libo (50K) nga semilya sa tilapia ang Sarangani Provincial Agriculture Office. Gihan-ay usab ang paghatag og semilya sa hito. Gi-plastar na karon ang imuntar nga usa ka fish processing building ug ang pag-ayuda sa mga indibidwal nga Surimi ang ilang panginabuhian. Gipondohan kini tanan ning kasamtangang tuig sa Sulong Kasaganaan ug Sulong Kaligtasan program ni Governor Steve Chiongbian Solon og P2.5 Milyon ka pesos.
