MAKATO, AKLAN — Ginpaidaeum sa state of calamity ro banwa it Makato sa probinsya it Aklan bangud sa pagbaha tuga it mabaskug nga pag-uean ku Oktubre 23.
Sa pagpaidaeum sa nasambit nga banwa sa state of calamity, magamit eon ro andang calamity funds para mabuligan ro mga apektadong residente sa lugar.
Base sa estimate it Municipal Disaster Risk Reduction Management Office (MDRRMO), sa limang milyong piso ro balor it halit sa imprastraktura samtang P127 milyon man sa agrikultura ag fishery sector.
Matandaan nga umabot sa masobra 3,000 nga mga residente ro naapektuhan it pagbaha nga haeos abot hasta leog. / ANN DESLENE SALAZAR
