Mas ginpabaskog pa it Iloilo Police Provincial Office (IPPO) ro mga tactical offensive operations kuntra sa New People’s Army (NPA) kasunod sa mga natabo nga pagbomba sa mga improvised explosive device (IED) nga gin-ninahan it daywang kapulisan.
Base kay Police Colonel Gilbert Gorero, provincial police director, ro IPPO hay nagapabilin nga mapag-on ag determinado sa pagsuporta sa mga anti-insurgency campaign it gobyerno.
Nakipag-angut eun man sanda sa mga force multiplier kapareho it mga Barangay Intelligence Networks (BIN) ag community-based organizations.
Kaangut dikara, nagmandu man it follow-up operations si PNP Chief Guillermo Eleazar kuntra sa mga komunistang-terorista sa likod it pag-atake it IED sa banwa it Tubungan ku Oktubre 24./JIL B. LACSON
