MISAKA na sa 112,609 indibidwal sa GenSan ang ‘fully vaccinated’ batok Covid-19, base sa vaccine statistics sa LGU. Kini ang 24% sa 459,732 target population sa siyudad aron maangkon nga gihandum nga population protection kontra sa virus.
Sa datus, naa sa 32% o 147,672 ang naghulat sa ikaduhang dose sa bakuna samtang 57% o 260,281 dose ang na-administer na. Matud ni Dr. Rochelle Oco, City Health Officer ug incident commander sa Local Inter- Agency Task Force on Covid-19 (IATF).
Punting nilang makab-ot ang 50% sa population protection bag- o paman magpasko o mahuman ang tuig. Kini sumala pa ang rason sa pagpalapad nila sa vaccination rollout asa gikan sa mga mass vaccination site ug Rural Health Unit (RHU). Miarangkada na ang mobile vaccination program, tumong ang mabakunahan ang nagduha-duha sa pagpaturok og vaccine.
Base sa May 2020 census ang GenSan dunay 697,315 kinatibuk-ang populasyon. Gisiguro usab ni Oco nga dunay paigong supply sa bakuna ang siyudad gikan sa DOH regional office ug sa national government. ( Richel Gubalani)
