Padayong ginaimbestigahan karon sa San Pedro Police Station ang gika-report nga aduna matud pa silay nadawat nga reklamo kabahin sa pagpanghulga nga bombahan ang usa ka establisyemento dinhi sa syudad.
Subay sa report sa San Pedro PNP, nga adunay usa ka chef sa restaurant ang midangop sa ilang buhatan aron magpatabang human nga nakadawat matud pa kini og tawag sa usa ka unknown number.
Atol sa maong tawag, gipugos kini sa suspek nga kuhaon ang cellphone number sa tag-iya sa restaurant apan kung dili sumala pa kini ihatag, mihulga kini nga bombahan ang ilang establisyemento.
Tungod niini, mitambag ang mga otoridad sa publiko nga i-report gilayon kung makadawat sab sa susamang pangpahulga o unsa mang matang sa dili maayong butang. BNF-Davao
