Gi-andam karon sa Department of Health Northern Mindanao ang pagbutang og mga community health facility sa matag lugar sa rehiyon.
Kini isip kabahin sa gihingusgan nga programa ubos sa Mental Health Program sa ahensya dungan nasab sa Mental Health Awareness Month.
Gibutyag ni DOH-10 Non-Communicable Disease Cluster Mental Health Program-Mental Health Program Nurse 5 Maria Dolores Mercado nga ang nahisgutang pasilidad mao ang mo-akomodar sa mga pasyente nga makasinati sa problema sa mental health.
Dili na matud pa kinahanglan nga dad-on sa hospital ang pasyente inay sa komunidad kini tambalan ug monitoron, ugaling grabi ang nasinati nga problema, ayha kini dad-on sa hospital.
Kahibaloan nga walay mental hospital sa region 10 ug ang kadangpan lamang ang hospital sa kasikbit nga dapit nga didto pa sa Davao.
