Dapat segun nga ipaiway ro ‘padrino’ system o pagtao it pabor sa pamilya o amigo sa pag-recruit it pulis.
Raya ro ginhayag ni PNP Chief General Guillermo Lorenzo Eleazar sa pagbisita kara sa Police Regional Office (PRO-6).
Suno kay Eleazar, sa recruitment paeang hay may korupsyon eon hasta sa madaea eon sa serbisyo.
May mga nagabaligya it karabaw para ibayad ag makasueod sa recruitment.
Ro mga raya ro nagiging abang segun para makasueod ro ibang mga kwalipikado nga aplikante sa pagka-pulis.
Kinhangean segun nga uman nga limpyuhan ro reputasyon it mga kapulisan pinaagi it internal cleansing.
Si Eleazar hay nakataeana nga magretiro sa Nobyembre 13 sa anang ika-56th birthday. / ANN DESLENE SALAZAR
