Sugatan sa pananaga ang isang Eleoterio Libraryando Ferrer, 69 anyos matapos tagain noong ika-4 ng Oktubre 2021 sa purok Langka, Barangay Isugod, Quezon, Palawan.
Habang ang suspek ay si Joselino Crampatanta Sase, 43 taong gulang, may asawa, magsasaka, at kapwa residente ng Purok Langka, Barangay Isugod, Quezon, Palawan.
Ayon sa imbestigasyon ng Quezon PNP, ang biktima kasama ang kanyang 9 taong gulang na anak ay pauwi na, subalit, nagpasya ang biktima na dumaan sa isang bahay.
Habang sila’y naroon ay nasa impluwensya ng alak ang suspek kaya nagkaroon ng mainit na pagtatalo sa pagitan nilang dalawa, bigla umanong tinaga ang biktima ng maraming beses sa kanyang katawan gamit ang isang itak.
Dahil dito, nagtamo ang biktima ng mga sugat sa kanyang ulo, leeg at kaliwang braso kaya isinugod sa Medicare Hospital, Quezon, Palawan at kalaunan ay inilipat sa ibang ospital.
Narekober ang armas na ginamit habang ang suspek ay agad na naaresto at ngayon ay nasa pangangalaga ng Quezon PNP.
