Bangud sa padayon nga pagnaba it numero it ginatamaan it COVID-19 infection, gin-lift eun it Aklan ro andang mga pandemic restrictions sa mga business gatherings.
Matandaan nga sa presente nagapaidaeom gihapon ro probinsiya sa General Community Quarantine (GCQ) hasta Oktubre 31.
Ginpasugtan it lokal nga gobyerno ro bagbukas it mga fitness studio, gym, ag swimming pool hasta 50% capacity.
Samtang ro mga venues sa kasae, bunyag, conventions, exhibitions, ag mga pagpueong hay ginpasugtan hasta sa 30% capacity eamang.
100% capacity man sa outdoor dining ag 50% capacity sa indoor dining.
Ginpasugtan man ro operasyon it bueang, mag-euwas sa e-sabong.
Kamana man, ro pagbaligya, pagta-o, pagdaea, ag pag-inom it alak o anuman nga makahueobog nga ilimnon hay ginapasugtan it lokal nga gobyerno mag-euwas eamang sa mga bar, karaoke bar, club, ag mga lugar kung siin may mga live performances ./JIL B. LACSON
