KORONADAL CITY — NAKAPAGTALA ng siyam na sunog ang lungsod ng Koronadal ngayong buwan ng Setyembre base sa datus ng Bureau of Fire Protection o BFP-Koronadal.
Sa panayam ng 95.7 Brigada News FM Koronadal kay Senior Fire Officer 1 Alden Mallorca, kinabibilangan umano ito ng sunog sa mga kabahayan at vehicular fire.
Sinabi din nito na mas marami ang naitalang sunog noong Setyembre kun ikukumpara sa ibang mga buwan simula noong Enero.
Matatandaan na kahapon ng hapon limang pamamahay ang tinupok ng apoy sa Odi-Morrow Street, Barangay Zone II, Koronadal City kung saan umabot sa 49 na indibidwal ang apektado.
