GIDUSO karon sa Philippine Port Authority (PPA) ang pagbuhi sa serbisyo sa mga passenger ferry services sa Makar port.
Matud ni Jay Daniel Santiago, general manager sa PPA, nakig-negosasyon sila sa nagkadaiyang shipping companies sa nasud alang sa posibleng expansion sa ilang operasyon sa siyudad ug ubang bahin sa nasud.
“We’ve been talking with the shipping lines for the opening of more ferry routes,” butyag ni Santiago atol sa press conference. Dugang sa opisyal, usa sa resulta sa negosasyon mao ang pagbalik sa of passenger services sa 2Go Travel sa Davao City. Butyag Atty. Cesar Dataya, Port manager sa GenSan 2008 miundang ang domestic passenger ferry services sa pantalan dungan sa pagkalugi. Misulay og pagbalik sa operasyon ang 2Go Travel atong 2018 rota nga Davao, Zamboanga, Iloilo ug Manila apan miundang human ang walo ka bulan. Napugos ang shipping line nga iundang ang operasyon tungod sa dakong kantidad nga nalugid gumikan sa kawad-on na og pasahero.
Gikonsidera ang pantalan sa planong international sea route sa Brunei, Indonesia, Malaysia, Philippines-East Asean apan kini ang padayong gihisgotan sa karon. ( Richel Gubalani)
