Narekord it kabioegan nga 482 ka mga kaso it maeain-eain nga mga variant it COVID-19 virus ro Western Visayas.
Base sa pinakaulihi nga datos it Department of Health (DOH) Region 6, sa presente, may 176 nga mga kaso it Delta variant ro rehiyon, 112 man ro narekord nga numero it Alpha variant. Kaangut dikara, may 111 man nga Beta variant, may 81 nga mga kaso it Theta variant ag tig-sambilog nga kaso it Lambda ag Gama variant sa rehiyon.
Matandaan nga na-clasify it Centers for Disease Control and Prevention of the United States ang Alpha, Beta, Gamma, ag Delta bilang “variants of concerns” bangud mas madali ag mas madasig raya magkaeat kaysa sa iban pang mga variant./JIL B. LACSON
