IBALIK sa kapulisan sa GenSan ang alokasyon nilang body worn camera human nasuta nga depektibo ang docking stations niini. Matud ni PLT. Clarizel Perez, tigpamaba sa GenSan City Police Office (GSCPO) walay problema ang mga body cameras.
Apan ang docking station o port replicator (hub) didto sumala pa gina-insert ang files nga direktang mopadulong sa Kampo Krame. Tungod niini, alternatibong camera sama sa cellphone ang ginagamit sa kapulisan sa GenSan sa ilang mga operasyon.
Gihingusgan ni Perez gisunod sa kapulisan mandu sa Korte Suprema kalabut sa paggamit og body camera isip kabain sa operational procedures.
Naglaom ang nasangpit nga ugaling iuli nila, gilayon kining mailisdan og magamit nila. Kahibaloan nga ang GSCPO ang dunay 16 ka body worn camera nga alokasyon nila gikan sa Kampo Krame.
Hunyo 29, 2021 giaprubahan sa Supreme Court ang ‘rules’ nga pag-gamit og body camera sa mga operasyon sama sa pagsilbi og warrant of arrest, pagpatuman sa search warrant lakip ang warrantless arrests ilawom sa Revised Rules of Criminal Procedure. ( Richel Gubalani)
