MAGSUGOD na ang klase sa mga kabataan karong adlawa sa elementary ug sekondarya subay sa gi-aprubahan sa gobyerno ug adunay mga reaksyon ang kabataan ug ginikanan.
Sumala kay John Paul nga nagatungha sa National Annex tapad sa SPED alang kaniya mas maayo ang modular kay dali lang maka-answer kaysa sa face to face, siya usab daw ang nagatubag sa mga pangutana sa module.
Ang ginahimo daw nila aron dili mingawon sa mga classmates mao ang pag-communicate pinaagi sa group chat .
Sumala usab sa pahayag sa inahan ni John Paul nga si Rosemarie alang kaniya mas maayo ang module kay mas makatipid sa pamasahe ug sa pang meryenda nga balon sa bata.
Gidugang ni Rosemarie nga kon sa balay iyaha man matudloan ang iyang kabataan, unya kahibalo na mo-answer ang mga bata kay na anad na sa module. ( Ever Diazon)
